Праведному Петру, пресвитеру Владимирскому, исповеднику (тропарь, кондак и молитва)
Тропарь,
глас 3:
Земли́
Росси́йския украше́ние,/ испове́дниче о́тче
Пе́тре,/ в пра́вей ве́ре и благоче́стии пожи́л еси́,/ ве́рныя в годи́ну
гоне́ний утеша́я и и́стине науча́я,/ у́зы, поноше́ния и ско́рби
претерпе́л
еси́/ и вене́ц пра́вды от Христа́ Бо́га прия́л еси́./ Сего́ ра́ди
мо́лим тя:/
спаса́й нас моли́твами твои́ми// от всех бед и напа́стей.
Кондак,
глас 4:
Первоверхо́вному
апо́столу па́стыря соиме́ннаго,/ уте́шителя
скорбя́щих и цели́теля немощны́х,/ хвалу́ и утеше́ние на́ше днесь
любо́вию
восхва́лим, ве́рнии./ Сей бо есть цели́тель до́блий// и моли́твенник
те́плый о
душа́х на́ших.
Молитва
О,
пресви́тере
и служи́телю Бо́жий, о́тче святы́й Пе́тре,
избра́нниче и па́стырю Христо́в! Ты измла́да Бо́га и́скренне возлюби́л
еси́,
ду́шу хра́мом Свята́го Ду́ха соде́лал еси́ и всего́ себе́, я́ко же́ртву
чи́сту,
Спа́су Христу́ прине́сл еси́ до после́дняго твоего́ исхо́да. Ей,
пра́ведниче
Пе́тре, от дре́вних святы́нь Пече́рския Ла́вры, я́ко от полново́дныя
реки́,
позна́нию и́стины науче́нный! Ты, тя́жкий и терни́стый путь спасе́ния
ра́ди
души́ твоея́ от Бо́га восприе́м, Христа́ пред ми́ром лука́вым, от
него́же
поноше́ния жесто́кая претерпева́я, да́же до сме́рти испове́дал еси́ и,
я́ко
па́стырь ди́вный, да́ры Бо́жия показу́я, в земли́ Влади́мирстей на
ра́дость и
утеше́ние лю́дем стра́ждущим яви́лся еси́. Отвсю́ду бо в весь
Великодво́рскую
за по́мощию и утеше́нием к тебе́ боля́щии и неду́жнии прихожда́ху и
врачевство́
ве́лие от тебе́ приима́ху. Те́мже и мы, недосто́йнии и гре́шнии ча́да
твоя́,
дивя́щеся твоему́ пред Бо́гом дерзнове́нию, взыва́ем к тебе́ си́це:
испроси́
благостоя́ние Це́ркви Ру́сстей, в мо́ри жите́йстем обурева́емей,
Оте́честву
на́шему мир и обновле́ние духо́вное; нам же утвержде́ние и преспе́яние
в ве́ре,
христиа́нскую кончи́ну и Бо́жие милосе́рдие на Стра́шном Суде́
Христо́ве,
иде́же пра́ведницы возсия́ют, я́ко со́лнце, с ни́миже да сподо́бимся и
мы
прославля́ти в Тро́ице пева́емаго Бо́га, Отца́, и Сы́на, и Свята́го
Ду́ха.
Ами́нь.
Тексты
тропаря,
кондака и молитвы утверждены Священным Синодом Русской Православной
Церкви 22
октября 2015 года (журнал № 81)
Назад к списку
