Святой Олимпиаде деве, Константинопольской, диакониссе (тропарь и кондак)
Тропарь, глас 4:
Доброде́тельнаго жития́ ра́ди бога́тство расточи́вши,/ вседу́шно Христу́ после́довала еси́/ и, му́дрости Златоу́стове внима́ющи,/ сосу́д злат Ду́ха Свята́го яви́лася еси́,/ Олимпиа́до всехва́льная,/ моли́ Ми́лостиваго Бо́га // спасти́ся душа́м на́шим.
Кондак, глас 2:
Благоче́стием и посто́м просия́вши,/ благи́ми де́лы и святы́ми нра́вы Бо́га просла́вила еси́,/ терпе́нием и целому́дрием себе́ украси́вши,/ духо́вное ве́дение и му́дрость соверше́нну стяжа́ла еси́,/ Олимпиа́до всехва́льная, // Вы́шния сла́вы насле́днице.
Тексты тропаря и кондака утверждены на заседании Священного Синода 16 марта 2023 года (журнал № 12).
Назад к списку
