Изменения и дополнения в перечисление имен святых в некоторых богослужебных текстах (прошение «Спаси, Боже, люди Твоя»; молитва «Владыко многомилостиве» и проскомидия)

Прошение «Спаси, Боже, люди Твоя»

Спаси́, Бо́же, лю́ди Твоя́ и благослови́ достоя́ние Твое́, посети́ мир Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и: си́лою честна́го и животворя́щаго Креста́: предста́тельствы честны́х Небе́сных Сил безпло́тных: честна́го, сла́внаго проро́ка, Предте́чи и Крести́теля Иоа́нна: святы́х сла́вных и всехва́льных апо́стол: и́же во святы́х оте́ц на́ших, и вселе́нских вели́ких учи́телей и святи́телей Васи́лия Вели́каго, Григо́рия Богосло́ва и Иоа́нна Златоу́стаго: и́же во святы́х отца́ на́шего Никола́я, архиепи́скопа Мир Лики́йских и чудотво́рца: святы́х равноапо́стольных Мефо́дия и Кири́лла, учи́телей Слове́нских:

святых равноапостольных великаго князя Владимира и великия княгини Ольги: и́же во святы́х оте́ц на́ших святи́теля Михаи́ла, пе́рваго митрополи́та Ки́евскаго, первосвяти́телей Моско́вских и всея́ Руси́ Петра́, Алекси́я, Ио́ны, Мака́рия, Фили́ппа, патриа́рхов: И́ова, Ермоге́на и Ти́хона; святителя Филаре́та Моско́вского, святителей имярек [местных]: святы́х великому́чеников Гео́ргия Победоно́сца, Дими́трия Солу́нскаго, цели́теля Пантелеи́мона и всех сла́вных и добропобе́дных му́чеников, новому́чеников и испове́дников Це́ркве Ру́сския: Влади́мира, митрополи́та Ки́евскаго, Вениами́на, митрополи́та Петрогра́дскаго, Пе́тра, митрополи́та Крути́цкаго: святы́х ца́рственных страстоте́рпцев царя́ Никола́я и цари́цы Алекса́ндры со ча́ды их: преподобному́чениц вели́кия княги́ни Елисаве́ты и иноки́ни Варва́ры: святы́х имярек [новомучеников и исповедников местных]: преподо́бных и богоно́сных оте́ц на́ших: Анто́ния и Феодо́сия Ки́ево-Пече́рских, Варлаа́ма Ху́тынскаго, Се́ргия Ра́донежскаго, Серафи́ма Саро́вскаго, ста́рцев О́птинских; имярек [преподобных местных]: святы́х благове́рных князе́й: Бори́са и Гле́ба страстоте́рпцев, Андре́я Боголю́бскаго, Алекса́ндра Не́вскаго, Дании́ла Моско́вскаго, Дими́трия Донска́го, имярек [благоверных князей местных]: свята́го пра́веднаго Иоа́нна Кроншта́дтскаго: святы́х блаже́нных Ксе́нии Петербу́ржския и Матро́ны Моско́вския: святы́х имярек [иных чтимых местных]: святы́х и пра́ведных богооте́ц Иоаки́ма и А́нны: и святы́х имярек [егоже есть храм, и егоже есть день], и всех святы́х: мо́лим Тя, Многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Молитва «Владыко многомилостиве»

Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Сил безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших, и вселе́нских вели́ких учи́телей и святи́телей Васи́лия Вели́каго, Григо́рия Богосло́ва и Иоа́нна Златоу́стаго: и́же во святы́х отца́ на́шего Никола́я, архиепи́скопа Мир Лики́йских и чудотво́рца: святы́х равноапо́стольных Мефо́дия и Кири́лла, учи́телей Слове́нских: святы́х равноапо́стольных вели́каго кня́зя Влади́мира и вели́кия княги́ни О́льги: и́же во святы́х оте́ц на́ших святи́теля Михаи́ла, пе́рваго митрополи́та Ки́евскаго, первосвяти́телей Моско́вских и всея́ Руси́ Петра́, Алекси́я, Ио́ны, Мака́рия, Фили́ппа, патриа́рхов: И́ова, Ермоге́на и Ти́хона; святи́теля Филаре́та Моско́вского, святи́телей имярек [местных]: святы́х великому́чеников Гео́ргия Победоно́сца, Дими́трия Солу́нскаго, цели́теля Пантелеи́мона и всех сла́вных и добропобе́дных му́чеников, новому́чеников и испове́дников Це́ркве Ру́сския: Влади́мира, митрополи́та Ки́евскаго, Вениами́на, митрополи́та Петрогра́дскаго, Петра́, митрополи́та Крути́цкаго: святы́х ца́рственных страстоте́рпцев царя́ Никола́я и цари́цы Александры́ со ча́ды их: преподобному́чениц вели́кия княги́ни Елисаве́ты и иноки́ни Варва́ры: святы́х имярек [новомучеников и исповедников местных]: преподо́бных и богоно́сных оте́ц на́ших: Анто́ния и Феодо́сия Ки́ево-Пече́рских, Варлаа́ма Ху́тынскаго, Се́ргия Ра́донежскаго, Серафи́ма Саро́вскаго, ста́рцев О́птинских; имярек [преподобных местных]: святы́х благове́рных князе́й: Бори́са и Гле́ба страстоте́рпцев, Андре́я Боголю́бскаго, Алекса́ндра Не́вскаго, Дании́ла Моско́вскаго, Дими́трия Донска́го, имярек [благоверных князей местных]: свята́го пра́веднаго Иоа́нна Кроншта́дтскаго: святы́х блаже́нных Ксе́нии Петербу́ржския и Матро́ны Моско́вския: святых имярек [иных чтимых местных]: святы́х и пра́ведных богооте́ц Иоаки́ма и А́нны, и святы́х имярек [егоже есть храм, и егоже есть день], и всех святы́х Твои́х, благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь: Го́споди, поми́луй нас и мир Твой, и спаси́ ду́ши на́ша, я́ко Благ и Человеколю́бец.

Проскомидия (поминовение при изъятии частиц из девятичинной просфоры)

Честна́го сла́внаго проро́ка, Предте́чи и Крести́теля Иоа́нна.

Святы́х сла́вных проро́ков: Моисе́я и Ааро́на, Илии́ и Елиссе́я, Дави́да и Иессе́я, святы́х трие́х отроко́в и Дании́ла проро́ка, и всех святы́х проро́ков.

Святы́х сла́вных и всехва́льных апо́стол Петра́ и Па́вла, Андре́я Первозва́ннаго, и про́чих всех святы́х апо́столов.

И́же во святы́х оте́ц на́ших святи́телей: Васи́лия Вели́каго, Григо́рия Богосло́ва и Иоа́нна Златоу́стаго, Афана́сия и Кири́лла, Никола́я Мир Лики́йских, Петра́, Алекси́я, Ио́ны, Мака́рия, Фили́ппа, И́ова, Ермоге́на, Филаре́та и Ти́хона, Моско́вских, Ники́ты Новгоро́дскаго, Лео́нтия Росто́вскаго, имярек [святителей местных] и всех святы́х святи́телей.

Свята́го апо́стола, первому́ченика и архидиа́кона Стефа́на, святы́х вели́ких му́чеников: Дими́трия, Гео́ргия, Фео́дора Ти́рона, Фео́дора Стратила́та, и всех святы́х му́ченик.

И мучениц: Фе́клы, Варва́ры, Кириаки́и, Евфи́мии и Параске́вы, Екатери́ны и всех святы́х му́чениц.

Святы́х ца́рственных страстоте́рпцев, имярек [новомучеников местных] и всех новому́чеников и испове́дников Це́ркве Ру́сския.

Преподо́бных и богоно́сных оте́ц на́ших: Анто́ния, Евфи́мия, Са́ввы, Ону́фрия,

Афана́сия Афо́нскаго, Анто́ния и Феодо́сия Ки́ево-Пече́рских, Се́ргия Ра́донежскаго, Варлаа́ма Ху́тынскаго, Серафи́ма Саро́вскаго, ста́рцев О́птинских, имярек [преподобных отец местных] и всех преподо́бных оте́ц.

И преподо́бных матере́й: Пелаги́и, Феодо́сии, Анастаси́и, Евпракси́и, Февро́нии, Феоду́лии, Евфроси́нии, Мари́и Еги́птяныни, имярек [преподобных матерей местных] и всех святы́х преподо́бных матере́й.

Святы́х и чудотво́рцев безсре́бреник, Космы́ и Дамиа́на, Ки́ра и Иоа́нна, Пантелеи́мона и Ермола́я, и всех святы́х безсре́бреников.

Святы́х и пра́ведных богооте́ц Иоаки́ма и А́нны, и свята́го имярек, [егоже есть храм и егоже есть день]. святы́х равноапо́стольных Мефо́дия и Кири́лла, учи́телей Слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, святы́х благове́рных князе́й Бори́са и Гле́ба, Андре́я Боголю́бскаго, Алекса́ндра Не́вскаго, Дании́ла Моско́вскаго, Дими́трия Донска́го, имярек [благоверных князей местных] и всех святы́х, и́хже моли́твами посети́ ны, Бо́же.

И́же во святы́х отца́ на́шего Иоа́нна, архиепи́скопа Константинопо́льскаго, Златоу́стаго. [Аще же поется литургия Великаго Василия, того поминает: и́же во святы́х отца́ на́шего Васи́лия Вели́каго, архиепи́скопа Кесари́и Каппадоки́йския.]

Документ утвержден решением Священного Синода от 14 мая 2026 года (журнал № 37).