Священномученику Феодору (Дорофееву), пресвитеру (тропарь и кондак)
Тропарь, глас 2:
Прииди́те, боголюби́вии лю́дие,/ восхва́лим ве́рнаго сы́на Це́ркве Ру́сския,/ священному́ченика Фео́дора добропобе́днаго,/ и́же, страда́ния за Христа́ претерпе́в/ и му́ченическую смерть прие́м,/ дар досто́ин Бо́га Вы́шняго яви́ся,/ те́мже с наде́ждею к нему́ возопии́м:/ моли́ся о нас ко Го́споду/ в ве́ре Правосла́вней утверди́тися// и спасти́ся душа́м на́шим.
Кондак, глас 5:
Ве́рность Христу́ Бо́гу до сме́рти сохрани́в,/ служи́тель непоро́чен Це́ркве был еси́,/ священному́чениче Фео́доре,/ па́ству же твою́ ева́нгельскою любо́вию просвеща́я,/ пропове́дник ре́вностен Воскресе́ния Христо́ва яви́лся еси́./ Сего́ ра́ди го́рькия рабо́ты и лю́тую кончи́ну претерпе́в,/ Па́схи ве́чныя ны́не наслажда́ешися./ Го́сподеви моли́ся/ мир Оте́честву на́шему дарова́ти// и душа́м на́шим ве́лию ми́лость.
Тексты тропаря и кондака утверждены к общецерковному богослужебному употреблению на заседании Священного Синода 15 мая 2025 года (журнал № 39).
Назад к списку
