Священномученику Павлу (Кушникову), пресвитеру (тропарь, кондак и величание)
Тропарь, глас 2:
Днесь восхва́лим, ве́рнии,/ Па́вла му́ченика и иере́я сла́внаго,/ Устюже́нския земли́ благо́е прозябе́ние,/ кровьми́ свои́ми ту́ю удобри́вшаго/ и душе́ю к Го́рнему Престо́лу возлете́вшаго,/ ны́не в ли́це новому́чеников веселя́щагося// и моля́щагося о душа́х на́ших.
Кондак, глас 4:
Днесь воспева́ем па́мять твою́, уго́дниче Бо́жий,/ священному́чениче о́тче Па́вле,/ до́брый па́стырю слове́сному ста́ду/ и сла́вный страда́льче Христа́ ра́ди./ Я́ко ми́лостивый оте́ц не оста́ви нас,/ но Влады́ку всех приле́жно моли́,// да спасе́т ду́ши на́ша.
Величание:
Велича́ем тя,/ священному́чениче Па́вле,/ и чтим честна́я страда́ния твоя́,/ я́же за Христа́ во утвержде́ние на Руси́ Правосла́вия/ претерпе́л еси́.
Тексты тропаря, кондака и величания утверждены к общецерковному богослужебному употреблению на заседании Священного Синода 24 августа 2023 года.
Назад к списку
