Священномученику Аркадию (Остальскому), епископу Бежецкому (тропарь и кондак)
Тропарь, глас 4:
От ю́ности Це́рковь себе́ я́ко неве́сту предобручи́в,/ за ню́же и страда́ти за Христа́ возжеле́л еси́/ и кре́постию твое́ю не изнемо́гл еси́,/ вседне́вно ду́шу за па́ству полага́я./ Те́мже последи́ и смерть от мучи́телей прия́л еси́,/ священному́чениче Арка́дие сла́вне,// и те́плый о нас пред Бо́гом моли́твенниче.
Кондак, глас 2:
Нра́вом кро́ток и се́рдцем ми́лостив быв,/ во о́браз Спа́сов, священному́чениче Арка́дие,/ убо́гим достоя́ние твое́ расточи́л еси́,/ любо́вию же Христо́вою обогаще́н,/ на Голго́фу Ру́сскую возше́л еси́,/ те́мже с новому́ченики Це́ркве на́шея,/ престо́лу Святы́я Тро́ицы предстоя́,// сла́ву Воскресе́ния улучи́л еси́.
Текст тропаря и кондака утвержден к общецерковному богослужебному употреблению на заседании Священного Синода 24 августа 2023 года.
Назад к списку
