Преподобноисповеднику Агапиту Оптинскому (тропарь и кондак)
Тропарь, глас 2:
Возгоре́вся любо́вию ко Христу́ Бо́гу,/ ве́ру Правосла́вную пред безбо́жными испове́дал еси́,/ преподобноиспове́дниче Агапи́те,/ и, гоне́ние великоду́шне претерпе́в,/ прича́стник светоно́снаго со́нма О́птинскаго соде́лался еси́, // с ни́миже моли́ся о душа́х на́ших.
Кондак, глас 2:
Сокрове́нною жи́знию во Христе́ пожи́л еси́,/ преподо́бне Агапи́те досточу́дне,/ и, мно́гая страда́ния му́жественне претерпе́в,/ тве́рдым испове́данием ве́ры о́браз благоче́стия яви́л еси́./ Ны́не же, Престо́лу Бо́жию предстоя́,/ моли́ Всеблага́го Бо́га,/ Оте́честву на́шему в Правосла́вии утверди́тися // и спасти́ся душа́м на́шим.
Текст службы (из которой взят тропарь и кондак) утвержден к общецерковному богослужебному употреблению на заседании Священного Синода 27 декабря 2023 года (журнал № 131).
Назад к списку
