Священномученику Макарию (Гневушеву), епископу Вяземскому (тропарь и кондак)
Тропарь, глас 5:
Се́ятелю сло́ва Бо́жия,/ священному́чениче Мака́рие достосла́вне,/ во гра́де Ки́еве до́бре потруди́лся еси́, / и во оби́телех Моско́вских и́ноческому житию́ поревнова́л еси́./ Отону́дуже ко святи́тельскому служе́нию призва́н,/ па́ству твою́ во обстоя́ниих го́рьких упа́ствил еси́,/ и, во дни гоне́ний му́жески Христа́ пропове́дав,/ му́ченический вене́ц восприя́л еси́./ Моли́ Ми́лостиваго Бо́га // о чту́щих святу́ю па́мять твою́.
Кондак, глас 6:
Восхва́лим, ве́рнии,/ ди́внаго священному́ченика Мака́рия,/ Ева́нгелия пропове́дника,/ и преда́ний оте́ческих учи́теля./ Той бо у рва сме́ртнаго соу́зники своя́ благослови́/ и о мучи́телех моля́шеся,/ и ны́не, Царю́ ца́рствующих предстоя́,// мо́лит спасти́ся душа́м на́шим.
Тексты тропаря и кондака священномученику Макарию, епископу Вяземскому, утверждены на заседании Священного Синода 30 мая 2024 года (журнал № 58).
Назад к списку
