Священномученику Сергию (Флоринскому), пресвитеру Ракверескому (тропарь, кондак и величание)
Тропарь, глас 4:
Во́инства царя́ земна́го па́стырь до́брый,/ ча́да своя́ на по́двиги ра́тныя укрепля́я,/ живо́т сво́й за дру́ги и оте́чество полага́ти те́х назида́л еси́./ Са́м же во гра́де Ве́зенберге да́же до кро́ве за и́мя Госпо́дне пострада́вый,/ и от Небе́снаго Царя́ вене́ц нетле́нный прия́вый,/ священному́чениче Се́ргие, // моли́ Христа́ Бо́га спасти́ся душа́м на́шим.
Кондак, глас 6:
Во святи́телех благоче́стно пожи́в/ и муче́ния путь проше́д,/ и́дольския угаси́л еси́ же́ртвы,/ и побо́рник быв твое́му ста́ду, богом́удре./ Те́мже тя почита́юще, та́йно вопие́м ти:/ от бед изба́ви ны при́сно твои́ми мольба́ми, // о́тче наш Се́ргие.
Величание
Велича́ем тя,/ священному́чениче Се́ргие,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
