Священномученику Петру (Скипетрову), пресвитеру Петербургскому (тропарь, кондак и величание)
Тропарь, глас 5:
Па́стырю до́брый гра́да на́шего,/ апо́столу верхо́вному тезоимени́тый,/ Го́сподеви ре́вностно и благогове́йно служи́вый,/ свы́ше от Бо́га бесстра́шие ду́ха прии́м,/ кро́вию свое́ю ла́вру Не́вскую освяти́вый,/ священному́чениче Пе́тре,/ моли́ Христа́ Бо́га // спасти́ся душа́м на́шим.
Кондак, глас 8:
Я́ко избра́нника Влады́чицы на́шея Богоро́дицы/ и приле́жнаго служи́теля чудотво́рнаго Ея́ о́браза, просия́вшаго во гра́де на Неве́,/ я́ко дерзнове́ннаго предста́теля о лю́дех правосла́вных,/ живо́т свой за бли́жних положи́вшаго,/ почита́ем тя, священному́чениче Пе́тре, // ты бо еси́ Це́ркве на́шея пресла́вное украше́ние.
Величание
Велича́ем тя,/ священному́чениче Пе́тре,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
