Мученикам Прову, Тараху и Андронику Аназарвским (тропарь, кондак и величание)
Тропарь, глас 5:
Святы́х му́ченик исправле́нием/ Небе́сныя си́лы преудиви́шася,/ я́ко в те́ле сме́ртнем,/ безтеле́снаго врага́ си́лою Креста́,/ подвиза́вшеся до́бре, победи́ша неви́димо./ И мо́лятся Го́споду // поми́ловатися душа́м на́шим.
Кондак, глас 2:
Тро́ицы на́м сла́ву яви́ша,/ до́блии Христо́вы ору́жницы и му́ченицы,/ с Тара́хом Про́в же и Андрони́к:/ обличи́ша бо все́ мучи́телей безбо́жие, // ве́рою до́блественне страда́льчествовавше.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́ // претерпе́ли есте́.
Назад к списку
