Мученику Луппу Солунскому (тропарь, кондак и величание)
Тропарь, глас 4:
Му́ченик Твой, Го́споди, Лупп,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами // спаси́ ду́ши на́ша.
Кондак, глас 2:
Звезда́ све́тлая яви́лся еси́,/ непреле́стная ми́рови,/ Со́лнца Христа́ возвеща́ющи,/ заря́ми твои́ми, страстоте́рпче Лу́ппе,/ и пре́лесть погаси́л еси́ всю:/ нам же подае́ши свет,// моля́ся непреста́нно о всех нас.
Величание
Велича́ем тя,/ страстоте́рпче святы́й Лу́ппе,/ и чтим честна́я страда́ния твоя́,/ я́же за Христа́ // претерпе́л еси́.
Назад к списку
