Священномученику Вячеславу (Луканину) (тропарь, кондак и величание)
Тропарь, глас 2:
«Пою́ Бо́гу моему́ до́ндеже е́смь»,/ – ку́пно с Дави́дом воспева́ше новому́ченик Вячесла́в;/ «Го́споди, приими́ ду́х мо́й»,/ – я́ко Стефа́н воззва́,/ да возраста́ет се́мя Це́ркви,/ ю́же Госпо́дь на кро́ви му́чеников назда́,/ мы́ же с ни́ми вопие́м:// «Приими́, Го́споди, же́ртву хвалы́ и воскликнове́ния».
Кондак, глас 4:
«Бо́гу се́рдцем по́йте»,/ науча́л еси́./ И, услы́шав твоя́ моли́твы, Госпо́дь,/ испыту́я же тя́ я́ко зла́то в горни́ле,/ до конца́ очи́стил еси́./ Да принесе́ши Бо́гови свяще́нный да́р/ – се́рдце любокра́сное, диа́конство неподку́пное,/ святы́й священному́чениче Вячесла́ве,// моли́ со дру́ги – му́чениками спасти́ся на́м.
Величание
Велича́ем тя,/ священному́чениче Вячесла́ве,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
