Священномученику Александру (Трапицыну), архиепископу Самарскому (тропарь, кондак и величание)
Тропарь, глас 6:
Священному́чениче Алекса́ндре, безбо́жную кре́пость тве́рдым боре́нием низложи́л еси́ и возне́сл еси́ ве́ру Правосла́вную, злочести́вое служе́ние уничижи́л еси́ и дерзнове́нно Христа́ Бо́га пропове́дал еси́ и ны́не неуста́нно моли́ся за град Сама́ру и вся во́лжския страны́, дарова́ти нам мир и ве́лию ми́лость.
Кондак, глас 2:
Я́ко просия́в, Алекса́ндре, житие́м святи́тельским, и в ми́ре облиста́л еси́ тече́нием страда́льчества, разгна́л еси́ мра́чную пре́лесть безбо́жников вои́нствующих и раско́льников зло́бствующих, показа́в и́стинную сла́ву правосла́вных, сего́ ра́ди моли́ Христа́ Бо́га спасти́ся душа́м на́шим.
Величание
Велича́ем тя,/ страстоте́рпче святы́й Александре,/ и чтим честна́я страда́ния твоя́,/ я́же за Христа́ // претерпе́л еси́.
Назад к списку
