Преподобноисповеднику Александру (Уродову), Санаксарскому (тропари, кондаки и величание)
Тропарь, глас 8:
Правосла́вия наста́вниче, благоче́стия уч́ителю и чистоты́,/ вселе́нныя свети́льниче, преподо́бных, я́ко вои́стинну удобре́ние, Алекса́ндре прему́дре,/ уче́ньми твои́ми вся́ просвети́л еси́, цевни́ца духо́вная.// Моли́ Христа́ Бо́га спасти́ся душа́м на́шим.
Ин тропарь, глас 5:
В страда́ниях ве́ры ра́ди Христо́вы му́жески подвиза́лся,/ изгна́ние, заточе́ние и лише́ния претерпе́л еси́,/ сего́ ра́ди свети́льник Прему́дрости Бо́жия яви́лся еси́./ Мы́ же я́ко испове́дника тя́ почита́ем,/ Алекса́ндре преподо́бне,/ и уми́льно взыва́ем ти́:/ Го́сподеви моли́ся // о спасе́нии ду́ш на́ших.
Кондак, глас 2:
Наслади́вся богому́дре воздержа́ния,/ и жела́ния плотска́я ты успи́л еси́,/ яви́вся ве́рою возраща́емь,/ и я́ко живота́ дре́во ра́йское процве́л еси́,// Алекса́ндре, о́тче свяще́нный.
Ин кондак, глас 4:
Чистото́ю душе́вною боже́ственне вооружи́вся,/ и непреста́нныя моли́твы я́ко копие́ вручи́в кре́пко,/ пробо́л еси́ бесо́вския ополче́ния, Алекса́ндре о́тче на́ш, // моли́ непреста́нно о все́х на́с.
Величание
Велича́ем тя,/ святи́телю о́тче Алекса́ндре,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
