Преподобномученику Василию Мирожскому, Псковскому (тропарь, кондак и молитва)
Тропарь, глас 4:
Возвесели́ся Це́рковь Христо́ва, / в па́мять приснопа́мятнаго преподобному́ченика Васи́лия, / от земли́ Пско́вския просия́вшаго / и му́ченический вене́ц со и́ноки оби́тели Спа́со-Миро́жския прия́вшаго. / Те́мже зове́м ему́: / ра́дуйся, гра́ду Пско́ву // и оби́тели твоея́ похвало́ и утвержде́ние.
Кондак, глас 2:
Житие́ твое́, о́тче Васи́лие, / восхва́лим ве́рнии по до́лгу, / я́ко подви́жника кре́пка и му́ченика необори́ма, / ты бо во оби́тели Небе́сныя всели́вся, / и та́мо со А́нгелы предстои́ши у Престо́ла Христа́ Бо́га на́шего, // Его́же моли́ спасти́ся душа́м на́шим.
Молитва
О святы́й и всехва́льный страстоте́рпче многострада́льный и преподо́бный о́тче наш Васи́лие! На ме́сте по́двигов твои́х соше́дшеся, из глубины́ се́рдца взыва́ем к тебе́, сохрани́ святу́ю оби́тель сию́ и всех подвиза́ющихся в ней от гла́да, пото́па, огня́, меча́, на́шествия иноплеме́нных и от вся́каго зла. Помяни́ в моли́твах твои́х и всю зе́млю Пско́вскую, да утверди́тся а ней ве́ра правосла́вная и да сподо́бятся вси ве́рнии ча́да Це́ркве Ру́сския Правосла́вныя ше́ствовати путе́м спасе́ния и твои́м предста́тельстаом унасле́дуют Ца́рство Небе́сное со все́ми пра́ведными, угоди́вшими Христу́ Бо́гу на́шему, Ему́же подоба́ет вся́кая сла́ва, честь и поклоне́ние, ны́не и в безконе́чныя ве́ки веко́в. Ами́нь.
Назад к списку
