Священномученику Иоанну (Смирнову) протоиерею (память 1 января ст. ст.) (тропарь и кондак)
Тропарь, глас 2:
Священному́чениче Иоа́нне,/ не всу́е ты в писа́ниях оте́ческих/ приле́жно поуча́лся еси́;/ от ю́ности смире́ние и кро́стость возлюби́в,/ и пред мучи́тели Христа́ бесстра́шно пропове́дал еси́./ Тем же и мы, чту́щии страда́ния твоя́,/ я́ко те́плаго засту́пника приле́жно мо́лим тя:/ испроси́ нам ра́зума и кре́пости/ словесы́ и де́лы испове́дати Христа́// и моли́ спасти́ся душа́м на́шим.
Кондак, глас 3:
Кро́тость и незло́бие твои́,/ о́тче Иоа́нне,/ и оте́ческим уче́нием после́дование,/ я́ко ле́ствица небовосхо́дная/ возведо́ша тя к духо́вному преспе́янию/ и ко и́же за Христа́ страда́нию,/ и вене́ц сугу́бый исхода́таиша ти,/ сего́ ра́ди мо́лим тя:/ научи́ и нас, тя почита́ющих,/ крест свой взя́ти и за Го́сподом идти́// и моли́ спасти́ся душа́м на́шим.
Назад к списку
