Священномученику Иринею, епископу Лионскому (тропарь и кондак)
Тропарь, глас 1:
Брег морски́й Аси́и Ма́лыя/ рождество́м и ю́ностию твои́ми хва́лится,/ сла́вне священному́чениче Ирине́е,/ и град Лио́нский/ си́льным огражде́нный предста́тельством твои́м,/ велича́ет милосе́рдаго Бо́га на́шего./ Га́ия лику́ет/ о муче́нии твое́м за Христа́,/ вся же Це́рковь Правосла́вная/ непреста́но ра́дуется,/ чистото́ю уче́ния утвержде́нная,/ его́же пропове́дал еси́,/ ми́ром Христо́вым духо́вныя бу́ри уста́вив,// я́же обыдо́ша ду́ши на́ша.
Кондак, глас 6:
В Ду́се и и́стине/ Тро́ицу Святу́ю почита́я,/ о пресла́вне священному́чениче Ирине́е,/ словеса́ апо́стольская во уме́ держа́,/ созида́ющею ду́ши любо́вию/ су́етнаго ра́зума кича́щаго/ отврати́лся еси́,/ и пусты́м и лжи испо́лненным/ ерети́ческим измышле́нием противуста́,/ та́ко и о́вцы ста́да Христо́ва/ скве́рнаго неду́га ерети́ческаго/ удержа́ и сохрани́./ Се́го ра́ди, Триеди́наго Бо́га хва́ляще/ пе́сньми тя прославля́ем// я́ко блаже́ннаго миротво́рца.
Назад к списку
