Священномученику Владимиру (Четверину), пресвитеру (тропарь и кондак)
Тропарь глас 1:
Ца́рство Небе́сное па́че земны́х красо́т возжеле́в, / до́брым по́двигом Христу́ подвиза́лся еси́./ И безбо́жное веле́ние му́жественне отри́нув, / сугу́бую благода́ть от Го́спода Сил прия́л еси́. / Сего́ ра́ди усе́рдно тебе́ вопие́м: // моли́ о нас Христа́ Бо́га, о́тче Влади́мире, священному́чениче.
Кондак, глас 3:
Безбо́жному веле́нию не повину́лся еси́ / и мирски́я вся собла́зны отри́нув / да́же до лю́тых страда́ний и сме́рти Христу́ ве́рен пребы́л еси́ / и ли́ку му́ченическому сочета́лся, о́тче Влади́мире! / И ны́не па́ствы твоея́ пе́ние прими́: / испроси́ нам у Христа́ Бо́га грехо́в оставле́ние // и ве́лию ми́лость.
Назад к списку
