Священномученику Ермолаю, иерею Никомидийскому (тропарь и кондак)
Тропарь, глас 1:
Ми́ром благода́ти пома́зан, / преблаже́нне о́тче Ермола́е, / иере́й Бо́га Вы́шняго яви́лся еси́ / и благоче́стия све́тлый пропове́дник, / му́ченик же тве́рдый и безме́здный врач притека́ющих к тебе́. / Сла́ва Да́вшему тебе́ кре́пость, / сла́ва Венча́вшему тя, // сла́ва Де́йствующему тобо́ю всем исцеле́ния.
Кондак, глас 4:
Я́ко святи́тель благоче́стно пожи́в / и священномуче́ния вене́ц прия́л еси́. / И́дольския же́ртвы погаси́в, / до́брый па́стырь Христо́ва ста́да был еси́, прему́дре, / и Пантелеи́мону и́стинный учи́тель. / Сего́ ра́ди почита́ем тя пе́сньми, вопию́ще: // от бед изба́ви нас при́сно моли́твами твои́ми, Ермола́е, о́тче наш.
Назад к списку
