Священномученикам Клименту, Папе Римскому и Петру, архиепископу Александрийскому (тропари и кондаки)
Тропарь святителям, глас 4:
Бо́же оте́ц на́ших, / творя́й при́сно с на́ми по Твое́й кро́тости, / не отста́ви ми́лость Твою́ от нас, / но моли́твами их \ в ми́ре упра́ви живо́т наш.
Кондак святителям, глас 4:
Це́ркве недви́жимии и Боже́ственнии пи́ргове, / благоче́стия Боже́ственнии столпи́ вои́стинну кре́пцыи, / Кли́менте с Петро́м всехва́льнии, // ва́шими моли́твами соблюди́те вся.
Тропарь Клименту, глас 4:
И́же от Бо́га чудоде́йствы/ пресла́вно удивля́я вселе́нныя концы́ ми́ра,/ свяще́нный страда́льче,/ па́че естества́ мо́рю, соста́вы вода́м содева́еши разделе́ние/ в честне́й па́мяти твое́й/ всегда́ притека́ющим усе́рдно в Богозда́нную ти́ це́рковь,/ чуде́сным твои́м моще́м,/ и по всенаро́дном хожде́нии/ мо́ре во еди́но тече́ние чудоде́тельне твори́ши,/ Кли́менте преди́вный,// моли́ Христа́ Бо́га, спасти́ся душа́м на́шим.
Кондак Клименту, глас 2:
Боже́ственнаго виногра́да священнооде́янна/ все́м лоза́ яви́ся,/ ка́плющи сла́дость прему́дрости,/ моли́твами твои́ми, всече́стне,/ да тебе́ истка́ну я́ко багряни́цу,/ песнь мы́сленную принесе́м,/ Кли́менте свя́те:// спаси́ рабы́ твоя́.
Тропарь Петру, глас 8:
От вы́шняго суда́ Христо́ва предста́тельствова ста́ду, / на па́житех благожи́зненных упа́сл еси́ всему́дрыми твои́ми догма́ты, / отгна́в А́рия, я́ко во́лка некро́ткаго, / вше́дшаго в них безбо́жными уче́нии. / Те́мже и ду́шу твою́ положи́л еси́ за них, / па́стырь наре́клся еси́, я́ко рече́ Госпо́дь, / иера́рше Пе́тре блаже́нне, / моли́ Христа́ Бо́га грехо́в оставле́ние дарова́ти // чту́щим любо́вию ствяту́ю па́мять твою́.
Кондак Петру, глас 3:
Правосла́вными повеле́нии Це́рковь просвети́л еси́, / за ню́же и пострада́в, Богоблаже́нне о́тче, / А́рия отсту́пника отгна́в, / те́мже твою́ пречестну́ю па́мять соверша́юще, / правосла́вно вопие́м: // ра́дуйся, Пе́тре, ка́меню ве́ры.
Назад к списку
