Мученикам Платону и Роману (тропарь и кондак)
Тропарь, глас 4:
Му́ченицы Твои́, Го́споди, / во страда́ниих свои́х венцы́ прия́ша нетле́нныя от Тебе́, Бо́га на́шего, / иму́ще бо кре́пость Твою́, / мучи́телей низложи́ша, / сокруши́ша и де́монов немощны́я де́рзости. / Тех моли́твами // спаси́ ду́ши на́ша.
Кондак мученику Платону, глас 3:
Свята́я твоя́ па́мять вселе́нную весели́т, / созыва́ющи ве́рныя вся в пречестны́й храм твой, / иде́же ны́не, ра́достию совоку́пльшеся, / пое́м в пе́снех и све́тлостех. / Сего́ ра́ди, Плато́не, вопие́м ти: // язы́ческаго наше́ствия изба́ви град твой, свя́те.
Назад к списку
