Мученице Харитине Амисийской (тропарь, кондак и величание)
Тропарь, глас 4:
А́гница Твоя́, Иису́се, Харити́на / зове́т ве́лиим гла́сом: / Тебе́, Женише́ мой, люблю́ / и, Тебе́ и́щущи, страда́льчествую, / и сраспина́юся, и спогреба́юся креще́нию Твоему́, / и стражду́ Тебе́ ра́ди, я́ко да ца́рствую в Тебе́, / и умира́ю за Тя, да и живу́ с Тобо́ю; / но, я́ко же́ртву непоро́чную, приими́ мя с любо́вию, поже́ршуюся Тебе́. / Тоя́ моли́твами, // я́ко Ми́лостив, спаси́ ду́ши на́ша.
Кондак, глас 2:
Кре́пким ра́зумом, Харити́но, / ду́шу утве́рждши ве́рою, / бори́теля врага́ я́ве посрами́ла еси́, / у Христа́ предста́, всеблаже́нная, / червлени́цу от крове́й твои́х нося́щи, / и при́сно со А́нгелы ра́дуешися, // моли́ за ны, страстоте́рпице.
Величание
Велича́ем тя,/ страстоте́рпица Христо́ва Харити́но,/ и чтим честно́е страда́ние твое́,/ я́же за Христа́ // претерпе́ла еси́.
Назад к списку
