Мученикам Карпу, Папиле, Агафадору и мученице Агафоники (тропарь и кондаки)
Тропарь, глас 4:
Му́ченицы Твои́, Го́споди, / во страда́ниих свои́х венцы́ прия́ша нетле́нныя от Тебе́, Бо́га на́шего, / иму́ще бо кре́пость Твою́, / мучи́телей низложи́ша, / сокруши́ша и де́монов немощны́я де́рзости. / Тех моли́твами // спаси́ ду́ши на́ша.
Кондак, глас 4:
Я́ко сокро́вище многоце́нное, Влады́ка, / и исто́чник, источа́ющ то́ки исцеле́ний, / су́щим на земли́ подаде́ мо́щи ва́ша, / неду́ги у́бо отъе́млющия страсте́й разли́чныя, / благода́ть же даю́щия душа́м непреста́нно. / Те́мже согла́сно любо́вию // ва́ше, му́ченицы Боже́ственнии, соверша́ем торжество́.
Ин кондак, глас 4:
Венчено́сцы я́вльшеся днесь в ми́ре,/ прему́дрии, с Ка́рпом Папи́ле,/ просвеща́ете всех,// и́же ве́рою и весе́лием чту́щих па́мять ва́шу.
Назад к списку
