Священномученику Фоке Синопскому (тропарь и кондаки)
Тропарь, глас 4:
И нра́вом прича́стник, / и престо́лом наме́стник апо́столом быв, / дея́ния обре́л еси́, Богодохнове́нне, / в виде́ния восхо́д, / сего́ ра́ди, сло́во и́стины исправля́я, / и ве́ры ра́ди пострада́л еси́ да́же до кро́ве, / священному́чениче Фо́ко, / моли́ Христа́ Бо́га // спасти́ся душа́м на́шим.
Кондак, глас 6:
Я́ко святи́тель принося́, о́тче, же́ртвы, / на коне́ц себе́ прине́сл еси́ же́ртву жи́ву, / свиде́тельствовав зако́нно о Христе́ Бо́зе, / от А́нгел укрепля́емый, / и смерть изволя́я, / сый с вопию́щими тебе́: // прииди́, Фо́ко, с на́ми, и никто́же на ны.
Ин кондак, глас 6:
Я́ко архиере́й принося́, о́тче, же́ртвы, / на коне́ц себе́ прине́сл еси́ же́ртву живу́ю, / свиде́тельствовав зако́нно о Христе́ Бо́зе, / от А́нгел укрепля́емь, / и смерть изволя́я, / сый с вопию́щими тебе́: // прииди́, Фо́ко, с на́ми, и никто́же на ны.
Назад к списку
