Мученице Агриппине Римляныне (тропарь, кондак и величание)
Тропарь, глас 4:
А́гница Твоя́, Иису́се, Агрипи́на / зове́т ве́лиим гла́сом: / Тебе́, Женише́ мой, люблю́, / и, Тебе́ и́щущи, страда́льчествую, / и сраспина́юся, и спогреба́юся креще́нию Твоему́, / и стражду́ Тебе́ ра́ди, / я́ко да ца́рствую в Тебе́, / и умира́ю за Тя, да и живу́ с Тобо́ю; / но, я́ко же́ртву непоро́чную, приими́ мя, с любо́вию поже́ршуюся Тебе́. // Тоя́ моли́твами, я́ко Ми́лостив, спаси́ ду́ши на́ша.
Кондак, глас 4:
Све́тлых по́двиг твои́х светоно́сный наста́ день, / во́ньже почита́ющи сих, Боже́ственная Це́рковь вся созыва́ет ве́село вопи́ти тебе́: // ра́дуйся, де́во и му́ченице, Агрипи́но всечестна́я.
Величание
Велича́ем тя,/ страстоте́рпица Христо́ва Агрипи́но,/ и чтим честно́е страда́ние твое́,/ я́же за Христа́ // претерпе́ла еси́.
Назад к списку
