Мученикам Стефану и Петру Казанским (тропарь и кондак)
Тропарь, глас 4:
Му́чеников дво́ица единонра́вная, / Стефа́не и Пе́тре сла́внии, / неве́рие соплеме́нников обличи́вше, / Христу́ после́довали есте́, / во Святу́ю Тро́ицу ве́ровати всех науча́юще, / Ея́же ра́ди вели́кия страда́ния прие́мше, / моли́теся о нас ко Го́споду, / да, изба́вившеся тьмы грехо́вныя, // Све́та яви́мся о́бщницы невече́рняго.
Кондак, глас 3:
Святи́и страстоте́рпцы Стефа́не и Пе́тре, / Тро́ицы побо́рницы преизря́днейшии, / мук треволне́ния и стра́шную смерть на ве́чную жизнь премени́вшии / во гра́де Каза́ни страда́льчествовавшии, / ны́не же в Небе́сных черто́зех Всецарю́ предстоя́щии, / от вся́ких нас грехопаде́ний изба́вити Христа́ Бо́га моли́те, // Той бо есть ве́рных утвержде́ние.
Назад к списку
