Мученице Иулиании, яже в Никомидии (тропарь и кондак)
Тропарь, глас 4:
А́гница Твоя́, Иису́се, Иулиани́я / зове́т ве́лиим гла́сом: / Тебе́, Женише́ мой, люблю́ / и, Тебе́ и́щущи, страда́льчествую, / и сраспина́юся, и спогреба́юся креще́нию Твоему́, / и стражду́ Тебе́ ра́ди, / я́ко да ца́рствую в Тебе́, / и умира́ю за Тя, да и живу́ с Тобо́ю; / но, я́ко же́ртву непоро́чную, приими́ мя, с любо́вию поже́ршуюся Тебе́. // Тоя́ моли́твами, я́ко Ми́лостив, спаси́ ду́ши на́ша.
Кондак, глас 3:
Де́вства добро́тами преочище́на, деви́це, / и муче́ния венцы́, Иулиани́е, ны́не венча́вшися, / дае́ши су́щим в ну́ждах и неду́зех исцеле́ние и спасе́ние, / приступа́ющим к ра́це твое́й: // Боже́ственную бо благода́ть Христо́с источа́ет и жизнь ве́чную.
Назад к списку
