12 - Воскресный глас 7 (тропарь, Богородичен и кондак)
Тропарь
Разpуши́л еси́ Кpесто́м Твои́м смеpть,/ отве́pзл еси́ pазбо́йнику pай,/ миpоно́сицам плач пpеложи́л еси́,/ и апо́столом пpопове́дати повеле́л еси́,/ я́ко воскpе́сл еси́, Хpисте́ Бо́же,/ да́pуяй ми́pови// ве́лию ми́лость.
Богородичен
Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждши спасе́ние на́ше;/ я́же пре́жде рождества́ Де́ва, и в рождестве́ Де́ва,// и по рождестве́ па́ки пребыва́еши Де́ва.
Кондак
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связу́емь быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:// изыди́те, ве́рнии, в воскресе́ние.
Назад к списку
