09 - Воскресный глас 4 (тропарь, Богородичен и кондак)
Тропарь
Све́тлую Воскpесе́ния пpо́поведь/ от А́нгела уве́девша Госпо́дни учени́цы/ и пpа́деднее осужде́ние отве́pгша,/ апо́столом хва́лящася глаго́лаху:/ испpове́pжеся смеpть,/ воскpе́се Хpисто́с Бог,// да́pуяй ми́pови ве́лию ми́лость.
Богородичен
Е́же от ве́ка утае́нное,/ и А́нгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Крест во́лею нас ра́ди восприи́м,/ И́мже воскреси́в первозда́ннаго,// спасе́ от сме́рти ду́шы на́ша.
Кондак
Спас и Изба́витель мой/ из гро́ба, я́ко Бог,/ воскреси́ от уз земноро́дныя,/ и врата́ а́дова сокруши́,// и я́ко Влады́ка воскре́се тридне́вен.
Назад к списку
