Молитва водителя (тропарь, кондак и молитва)
Тропарь, глас 2:
Путь и и́стина сый, Христе́, спу́тника А́нгела Твоего́ рабо́м Твои́м ны́не, я́коже Тови́и иногда́, посли́, сохраня́юща и невреди́мых, к сла́ве Твое́й, от вся́кого зла во вся́ком благополу́чии соблюда́юща, моли́твами Богоро́дицы, Еди́не Человеколю́бче.
Кондак, глас 6:
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Молитва
Бо́же Всеблаги́й и Всеми́лостивый, всех охраня́яй Свое́ю ми́лостию и человеколю́бием, смире́нно молю́ Тя, предста́тельством Богоро́дицы и всех святы́х, сохрани́ от внеза́пной сме́рти и вся́кой напа́сти мене́, гре́шнаго, и вве́ренных мне челове́к, и помози́ невреди́мых доста́вить ка́ждого по его́ потре́бе. Бо́же ми́лостивый! Изба́ви мене́ от зла́го ду́ха лиха́чества, нечи́стой си́лы пиа́нства, вызыва́ющих несча́стия и внеза́пную сме́рть без покая́ния. Сподо́би мене́, Го́споди, с чи́стой со́вестию дожи́ть до глубо́кой ста́рости без бре́мени уби́тых и искале́ченных по моему́ нераде́нию люде́й, и да просла́вится и́мя Твое́ свято́е, ны́не и при́сно, и во ве́ки веко́в. Ами́нь.
Назад к списку
