Перед началом учения (тропари, кондак и молитва)
Тропарь, глас 6:
Я́ко посреде́ ученико́в Твои́х,/ прише́л еси́, Спа́се, мир дая́ им,// прииди́ к нам, и спаси́ нас.
Ин тропарь, глас 6:
Безкни́жныя ученики́/ Дух Твой Святы́й наказа́тели яви́, Христе́ Бо́же,/ и многовеща́нным сли́чием язы́ков пре́лесть упраздни́,// я́ко Всеси́лен.
Слава: Тропарь, глас 8:
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,// Человеколю́бче, сла́ва Тебе́.
И ныне: Кондак, глас 6:
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти,/ ускори́ на моли́тву и потщи́ся на умоле́ние, // предста́тельствующи при́сно, Богоро́дице, чту́щих Тя.
Молитва перед учением
Преблаги́й Го́споди, низпосли́ нам благода́ть Ду́ха Твоего́ Свята́го, да́рствующаго и укрепля́ющаго душе́вныя на́ши си́лы, да́бы, внима́юще преподава́емому нам уче́нию, возросли́ мы Тебе́, на́шему Созда́телю, во сла́ву, роди́телем же на́шим на утеше́ние, Це́ркви и оте́честву на по́льзу.
Назад к списку
