При нападении врагов (тропарь, кондак и молитва)
Тропарь,глас 4:
Ско́pо пpедваpи́, пpе́жде да́же не поpабо́тимся вpаго́м,/ ху́лящим Тя и пpетя́щим нам, Хpисте́ Бо́же наш,/ погуби́ Кpесто́м Твои́м боpю́щия нас,/ да pазуме́ют, ка́ко мо́жет пpавосла́вных ве́pа,// моли́твами Богоpо́дицы, Еди́не Человеколю́бче.
Кондак,глас 8:
Возбра́нный Воево́до и Го́споди, а́да Победи́телю!/ Я́ко изба́влься от ве́чныя сме́рти,/ похва́льная воспису́ю Ти, созда́ние и раб Твой,/ но я́ко име́яй милосе́рдие неизрече́нное,/ от вся́ких мя бед свободи́, зову́ща:// Иису́се, Сы́не Бо́жий, поми́луй мя.
Молитва против супостатов
Го́споди Бо́же наш, послу́шавый Моисе́я, просте́рша к Тебе́ ру́це, и лю́ди Изра́елевы укрепи́вый на Амали́ка, ополчи́вый Иису́са Нави́на на бра́нь и повеле́вый со́лнцу ста́ти: Ты и ны́не, Влады́ко Го́споди, услы́ши нас моля́щихся Тебе́: сохрани́ во́инство Его́: посли́ А́нгела Твоего́ укрепля́юща их: пода́ждь им вся́ я́же ко спасе́нию проше́ния: бра́ни умири́ и мир утверди́. Посли́, Го́споди, неви́димо десни́цу Твою́, рабы́ Твоя́ заступа́ющую во всех: а и́мже суди́л еси́ положи́ти на бра́ни ду́ши своя́ за ве́ру, и оте́чество, тем прости́ согреше́ния их, и в день пра́веднаго воздая́ния Твоего́ возда́й венцы́ нетле́ния: я́ко Твоя́ Держа́ва, Ца́рство и Си́ла от Тебе́ по́мощь вси́ прие́млем, на Тя упова́ем, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Назад к списку
