18 В неделю пятую Великого Поста, Марии Египетской (тропарь и кондак)
Тропарь, глас 8:
В тебе́, ма́ти, изве́стно спасе́ся е́же по о́бразу;/ прии́мши бо кре́ст, после́довала еси́ Христу́,/ и де́ющи учи́ла еси́ презира́ти у́бо пло́ть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.
Кондак, глас 3:
Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ а́нгельское жи́тельство подража́ющи,/ де́моны Креста́ ору́жием погубля́ет.// Сего́ ра́ди Ца́рствия неве́ста яви́лася еси́, Мари́е пресла́вная.
Назад к списку
