Святителю Сильвестру (Ольшевскому), архиепископу Омскому, исповеднику (тропарь, кондак, молитва и величание)
Тропарь, глас 4:
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ ве́pы pа́ди постpада́л еси́ да́же до кpо́ве,/ священному́чениче Сильве́стре,/ моли́ Хpиста́ Бо́га // спасти́ся душа́м на́шим.
Кондак, глас 4:
Во святи́телех благоче́стно пожи́в/ и муче́ния путь проше́д,/ и́дольския угаси́л еси́ же́ртвы,/ и побо́рник быв твое́му ста́ду, богому́дре./ Те́мже тя почита́юще, та́йно вопие́м ти:/ от бед изба́ви ны при́сно твои́ми мольба́ми,// о́тче наш Сильве́стре.
Молитва
О преди́вный уго́дниче Христо́в, священному́чениче Сильве́стре! Со умиле́нием прекло́нше коле́на пред честны́ми цельбоно́стными моща́ми твои́ми (святы́м о́бразом твои́м), хва́лим, сла́вим и велича́ем просла́вльшаго тя Бо́га, нам недосто́йным дарова́вшаго засту́пника тя и хода́тая. Ему́ же ты с ли́ки новому́чеников Росси́йских и всех Небе́сных Сил предстои́ши. Умоли́ Го́спода, да утверди́т во святе́й стране́ Росси́йстей живы́й дух правосла́вныя ве́ры и благоче́стия, да всели́т в земли́ Сиби́рстей любо́вь пламене́ющую к ве́ре оте́честей; наипа́че же огради́т нас всеси́льною руко́ю Свое́ю от раско́льнических лжеуче́ний и ересе́й. Да пода́ст лю́дем дух покая́ния в богоотступле́нии и служе́нии суета́м ми́ра сего́; всем же нам да́рует дух смире́ния, кро́тости и послуша́ния. Да препоя́шет ны благода́тию Свое́ю и утверди́т во бра́ни за спасе́ние на́ше. Ему́же подоба́ет вся́кая сла́ва, честь и поклоне́ние Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Величание
Велича́ем тя,/ святи́телю о́тче Сильве́стре,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
