Святителю Филарету (Амфитеатрову), митрополиту Киевскому (тропарь и кондак)
Тропарь, глас 6:
Возлюби́в из мла́да подви́жническое житие́,/ Еди́ному Христу́ Бо́гу после́довав,/ клевету́, поноше́ния и гоне́ния претерпе́в,/ кро́тость, смире́ние и милосе́рдие в ду́шу всели́в,/ от си́лы в си́лу восходи́л еси́,/ от Бо́га дар чудотворе́ний и исцеле́ний прия́в,/ святи́телю Филаре́те,/ я́ко иера́рх моли́ Христа́ Бо́га,/ мир гра́ду Ки́еву дарова́ти,/ и душа́м на́шим спасти́ся.
Кондак, глас 8:
Ти́хостию нра́ва укра́шен,/ во свяще́нницех благоче́стно пожи́в,/ жезло́м, от Бо́га тебе́ да́нным,/ ста́до Христо́во упасл еси́ на па́житех Богома́тере,/ приле́жно моле́ния за лю́ди твоя́ приноси́л еси́,/ и Ла́вры Святы́я запале́ние угаси́л еси́,/ тем же и Христо́с да́ром чуде́с обогати́ тя сла́вне Филаре́те,/ да вси вопие́м ти:/ ра́дуйся святи́телю о́тче наш.
Назад к списку
