Святителям Амфилохию, епископу Иконийскому и Григорию, епископу Акрагантийскому (тропарь и кондаки)
Тропарь, глас 4:
Бо́же оте́ц на́ших, / творя́й при́сно с на́ми по Твое́й кро́тости, / не отста́ви ми́лость Твою́ от нас, / но моли́твами их // в ми́ре упра́ви живо́т наш.
Кондак Григорию, глас 4:
Светолу́чными сия́нии Це́рковь Свята́го Ду́ха светово́дит / све́тлое соверша́ющия твое́ успе́ние, // преподо́бне о́тче всеблаже́нне Григо́рие.
Ин кондак Григорию, глас 8:
Я́ко доброде́телем учи́теля и святи́телем украше́ние / Це́рковь, пою́щи тя, сла́вит, Григо́рие, / моли́твами твои́ми пода́ждь чту́щим тя любо́вию / доброде́телем исправле́ние и собла́зн избавле́ние, // я́ко непобеди́м.
Кондак Амфилохию, глас 2:
Боже́ственный гром, труба́ Ду́ха, / ве́ры садоде́лателю и се́чиво ересе́й, иера́рше Амфило́хие, / Тро́ицы уго́дниче вели́кий, / со А́нгелы предстоя́ при́сно, // моли́ непреста́нно о всех нас.
Назад к списку
