Святителю Павлу исповеднику, патриарху Константинопольскому (тропарь и кондак)
Тропарь, глас 3:
Боже́ственныя ве́ры испове́данием / друга́го Па́вла тя Це́рковь, ревни́теля во свяще́нницех, показа́, / свозопие́т ти и А́вель ко Го́споду, / и Заха́риина кровь пра́ведная. / О́тче преподо́бне, Христа́ Бо́га моли́ // дарова́тися нам ве́лией ми́лости.
Кондак, глас 2:
Облиста́вый на земли́, я́ко звезда́ Небосве́тлая, / Кафоли́ческую просвеща́еши Це́рковь ны́не, / о не́йже и страда́льчествовал еси́, / ду́шу твою́, Па́вле, предложи́в, / и, я́коже Заха́риина и А́велева, // я́сно вопие́т твоя́ кровь ко Го́споду.
Назад к списку
