Святителю Ионе, архиепископу Новгородскому (тропарь и кондак)
Тропарь, глас 4:
Исправле́ние ве́ры, и о́браз кро́тости, / и я́коже сад посреде́ рая́, / преподо́бными де́лы твои́ми мир просвеща́еши, / и сего́ ра́ди к моще́м твои́м любо́вию прикаса́емся и ве́рно вопие́м: / предста́ни в по́мощь воспева́ющим па́мять твою́ светоно́сную, о́тче Ио́но, // и моли́ спасти́ся душа́м на́шим.
Кондак, глас 4:
Свы́ше прия́л еси́ Боже́ственную благода́ть / хода́тайствовати Бо́гу и челове́ком, / я́ко архиере́й возноше́ние вознося́, / и мир лю́дем твои́м снося́, / и оби́лие плодо́в, Ио́но блаже́нне; / ты бо еси́ Вели́каго Нова́гра́да похвала́ // и су́щих о нем ра́дость.
Назад к списку
