Святителю Дионисию, архиепископу Суздальскому (тропарь и кондак)
Тропарь, глас 8:
Правосла́вия ревни́телю, благоче́стия наста́вниче, / и́щущим спасе́ния до́брый ко́рмчий, / мона́шествующих Богодухнове́нное украше́ние, / Богоно́снаго Евфи́мия собесе́дниче, святи́телю Диони́сие, / уче́ньми и доброде́тельми оте́чество твое́ просвети́л еси́, / не забу́ди нас, чту́щих тя, // но в ми́ре упра́ви живо́т наш.
Кондак, глас 8:
Звезду́ Росси́йскую от Ки́ева возсия́вшую/ чрез Ни́жний Но́вград в Су́ждаль дости́гшую,/ и всю страну́ сию́ уче́нием озари́вшую,/ ублажи́м Богому́драго Диони́сия,// той бо мо́лится Го́споду спасти́ся душа́м на́шим.
Назад к списку
