Святителю Емилиану исповеднику, епископу Кизическому (тропарь и кондак)
Тропарь, глас 8:
Правосла́вия наста́вниче, / благоче́стия учи́телю и чистоты́, / вселе́нныя свети́льниче, / архиере́ев Богодухнове́нное удобре́ние, / Емилиа́не прему́дре, / уче́ньми твои́ми вся просвети́л еси́, / цевни́це духо́вная. // Моли́ Христа́ Бо́га спасти́ся душа́м на́шим.
Кондак, глас 3:
До́бляго тя побо́рника по Тро́ице я́вльшася / Це́рковь сла́вит, пою́щи, Емилиа́не, / за ню́же пострада́л еси́. / Сего́ ра́ди почита́ем па́мять твою́, // язы́ческаго наше́ствия изба́ви рабы́ твоя́.
Назад к списку
