Святителю Евтихию, архиепископу Константинопольскому (тропарь и кондак)
Тропарь, глас 4:
Пра́вило ве́ры и о́браз кро́тости, / воздержа́ния учи́теля / яви́ тя ста́ду твоему́ / я́же веще́й и́стина, / сего́ ра́ди стяжа́л еси́ смире́нием высо́кая, / нището́ю бога́тая. / О́тче Евтихи́е, / моли́ Христа́ Бо́га // спасти́ся душа́м на́шим.
Кондак, глас 8:
Боже́ственнаго ве́рно Евтихи́я вси пою́ще, лю́дие, / любо́вию да ублажи́м, я́ко па́стыря вели́ка и служи́теля, / и учи́теля прему́дра, и прогони́теля ересе́й, // мо́лит бо Го́спода о всех нас.
Назад к списку
