Святителю Никифору исповеднику, Патриарху Константинопольскому (тропари и кондак)
Тропарь, глас 4
Пра́вило ве́ры и о́браз кро́тости, / воздержа́ния учи́теля / яви́ тя ста́ду твоему́, / Я́же веще́й И́стина: / сего́ ра́ди стяжа́л еси́ смире́нием высо́кая, / нището́ю бога́тая, / о́тче Ники́форе, / моли́ Христа́ Бо́га // спасти́ся душа́м на́шим.
Ин тропарь, глас 4:
И́же перворо́днаго Ца́рства оте́ц, / правове́рныя слу́жбы и́стинный па́стырь бысть, преподо́бне, / Царя́ гра́да, Це́ркви всех ма́тере яви́ся свети́льник, Ники́форе, / моли́ Христа́ Бо́га, // да спасе́т ду́ши на́ша.
Кондак, глас 4:
Побе́ды вене́ц с Небесе́, о Ники́форе пресла́вне, я́ко прие́м от Бо́га, / спаса́й ве́рою почита́ющия тя, // я́ко священнонача́льника Христо́ва и учи́теля.
Ин кондак на перенесение мощей, глас 1:
Лик патриа́ршеский святу́ю твою́ па́мять/ хвала́ми и пе́сньми, Ники́форе, че́ствует,/ в преложе́нии бо прия́т ду́шу твою́, сла́вне./ Тем днесь честна́я Це́рковь, велича́ющи Христа́ Царя́,// сла́вит Еди́наго Человеколю́бца.
Назад к списку
