Всем новоявленным мученикам Христовым, по взятии Царяграда пострадавшим (тропарь и кондак)
Тропарь, глас 3:
Но́вии му́ченицы,/ дре́внюю пре́лесть тве́рдым боре́нием низложи́вшии,/ вознесо́ша ве́ру правосла́вных,/ беззако́нное бо служе́ние уничижи́вше,/ дерзнове́нно Христа́ пропове́даша,/ Бо́га соверше́нна,/ и ны́не непреста́нно мо́лятся// дарова́ти нам ве́лию ми́лость.
Кондак, глас 1:
Весели́ся та́инственно, Христо́ва Це́рковь,/ ви́дящи своя́ сы́ны, но́выя му́ченики,/ о́крест трапе́зы твоея́ стоя́щия в моще́х,/ я́ко новосажде́ния ма́сличная,/ и Зижди́телю всех возопи́й:// Ты му́чеников еси́, Христе́, утвержде́ние.
Назад к списку
