Пророку Иезекиилю (тропари и кондак)
Тропарь, глас 2:
Проро́че Бо́жий Иезеки́иле, / предзре́вый затворе́нная Ду́хом врата́ / и Плотоно́сца, во исхо́де сих, Еди́наго сказа́вый Бо́га, / Того́ моли́, мо́лимся, / да отве́рзет дверь ми́лости Своея́ // и спасе́т ду́ши благоче́стно пою́щих па́мять твою́.
Иной тропарь, глас 2:
Проро́ка Твоего́ Иезеки́иля па́мять, Го́споди, пра́зднующе, / тем Тя мо́лим: // спаси́ ду́ши на́ша.
Кондак, глас 4:
Бо́жий яви́лся еси́ проро́к, Иезеки́иле чу́дне, / воплоще́ние Госпо́дне всем провозвести́л еси́, // Сего́ А́гнца и Зижди́теля, Сы́на Бо́жия, я́вльшася во ве́ки.
Назад к списку
