Пророку Елисею (тропари и кондак)
Тропарь, глас 4:
Во пло́ти А́нгел, / проро́ков основа́ние, / вторы́й Предте́ча прише́ствия Христо́ва, Илия́ сла́вный, / свы́ше посла́вый Елисе́еви благода́ть / неду́ги отгоня́ти / и прокаже́нныя очища́ти, // те́мже и почита́ющим его́ то́чит исцеле́ния.
Ин тропарь, глас 4:
И́же во пло́ти А́нгел,/ и проро́ков нача́льнику свиде́тельствова, сла́вный Елисе́е,/ ди́вны чудеса́ соде́лал еси́, проро́че,/ поспе́шеством Свята́го Ду́ха;/ си́лою Илиино́ю исцели́в во́дное естество́,/ зве́ри же погуби́, пожира́ющия,/ и Неема́на очи́сти,/ и вдови́ча сы́на воскреси́л еси́,// и всем чту́щим тя да́руй благода́ть и исцеле́ние.
Кондак, глас 2:
Проро́к Бо́жий яви́лся еси́,/ сугу́бую благода́ть прие́мь,/ вои́стинну досто́йную тебе́, Елисе́е блаже́нне:/ Илии́ бо был еси́ совсе́льник,// с ни́мже Христу́ Бо́гу моли́ся непреста́нно о всех нас.
Назад к списку
