Пророку Даниилу и тpем отpокам Анании, Азаpии и Мисаилу (тропарь, кондаки и величания)
Тропарь, глас 2:
Ве́лия ве́pы испpавле́ния:/ во исто́чнице пла́мене, я́ко на воде́ упокое́ния,/ святи́и тpие́ о́тpоцы pа́довахуся,/ и пpоpо́к Дании́л льво́м па́стыpь я́ко о́вцам явля́шеся.// Тех моли́твами, Хpисте́ Бо́же, спаси́ ду́ши на́ша.
Кондак пророку, глас 3:
Просвети́вшееся Ду́хом чи́стое твое́ се́рдце,/ проро́чества бысть светле́йшаго прия́телище,/ зри́ши бо я́ко настоя́щая дале́че су́щая./ Львы укроти́л еси́, вве́ржен в ров;// сего́ ра́ди тя почита́ем, проро́че блаже́нне, Дании́ле сла́вне.
Кондак отрокам, глас 6:
Рукопи́саннаго о́браза не поче́тше,/ но неопи́санным существо́м защити́вшеся, треблаже́ннии,/ в по́двизе огня́ просла́вистеся;/ среде́ же пла́мене нестерпи́маго стоя́ще, Бога призва́сте:/ ускори́, о Ще́дрый / и потщи́ся, я́ко ми́лостив в по́мощь на́шу,// я́ко мо́жеши хотя́й.
Величание
Велича́ем вас,/ святи́и тpие́ о́тpоцы,/ и чтим святу́ю па́мять ва́шу,/ вы бо мо́лите за нас // Христа́ Бо́га на́шего.
Ино величание
Велича́ем тя,/ проро́че Бо́жий Дании́ле,/ и чтим святу́ю па́мять твою́,/ ты бо мо́лиши о нас // Христа́ Бо́га на́шего.
Назад к списку
