Преподобному Феодориту Кольскому (тропарь и кондак)
Тропарь, глас 4:
От ю́ности, прему́дре, приле́жно подвиза́лся еси́, / пусты́нный жи́телю и в телеси́ а́нгеле, / исцеля́еши неду́жныя и ду́ши ве́рою просвеща́еши, / апо́столом соприча́стниче, Сло́во Бо́жие возвести́л еси́, / всея́ Лапла́ндии просвети́телю, / оби́телей и хра́мов Бо́жиих зижди́телю, / Феодори́те, о́тче всеблаже́нне, / моли́ Христа́ Бо́га // спасти́ся душа́м на́шим.
Кондак, глас 5:
Оби́тели Солове́цкия о́трасле многопло́дная, / мона́хов наста́вниче, покая́ния пропове́дниче, / царя́ земна́го да́ры Небе́снаго ра́ди Ца́рствия отве́ргл еси́, / красото́ю душе́вною в Земли́ Се́верней просия́л еси́, / ра́дуйся, богому́дре о́тче Феодори́те, // земли́ Ко́льския засту́пниче те́плый.
Назад к списку
