Преподобной Марфе Псковской (тропарь, кондак и молитва)
Тропарь, глас 2:
Благоро́днаго ко́рене лозо́ избра́нная,/ в супру́жестве благоче́стно пожи́вшая,/ и во и́ночестем чи́не Бо́гу угоди́вшая,/ благове́рная княги́не, преподо́бная ма́ти Ма́рфо,/ со святы́ми сро́дники твои́ми Христа́ Бо́га моли́,// оте́честву твоему́ в ми́ре спасти́ся.
Кондак, глас 3:
Яви́лася еси́, преподо́бная Ма́рфо,/ во гра́де Пско́ве ве́рным отра́да и утеше́ние,/ доброде́тельми твои́ми о́браз спасе́ния показу́ющи, и моли́твами помога́ющи,/ те́мже любо́вию вопие́м ти,/ ра́дуйся, похвало́ благоче́стно в ми́ре живу́щих,// и мона́шествующих удобре́ниние.
Молитва
О преподо́бная княги́не Ма́рфо, прехва́льная и до́брая в жена́х, ты честна́го супру́жества о́браз в себе́ яви́вши, по земне́м вдовстве́ Небе́сному Жениху́ уневе́стилася еси́, и и́ноческим по́двигом прилежа́ла еси́. Те́мже моли́, всехва́льная, Христа́ Бо́га, оте́чество на́ше в ве́ре пра́вой утверди́ти, святы́я оби́тели в ми́ре сохрани́ти, супру́гом любо́вь и согла́сие дарова́ти, да ки́йждо в чи́не свое́м ева́нгельски поживе́м, и ве́чнаго ца́рствия с тобо́ю сподо́мимся, прославля́юще в Тро́ице сла́вимаго Бо́га. Ами́нь.
Тропарь, кондак и молитва благословлены Высокопреосвященнейшим Евсевием, митрополитом Псковским и Великолукским для употребления на всей территории Псковской епархии.
Назад к списку
