Преподобному Фоме, иже в Малеи (тропарь, кондак и величание)
Тропарь, глас 1:
Свети́ла богосия́нная ми́ру/ и и́ноков одушевле́нныя зари́,/ Фома́ чудесы́, Ака́кий же послуша́нием,/ возсия́сте све́тло;/ сих, я́ко иму́щих дерзнове́ние к Бо́гу,/ моли́твами во бра́нех посо́бствовати мо́лим,/ да про́сят от Христа́ Бо́га дарова́ти проще́ние согреше́ний // чту́щим их святу́ю па́мять.
Кондак, глас 4:
Ве́лию побе́ду му́жески показа́л еси́, / отону́дуже Боже́ственною любо́вию разгоре́вся, / царя́ тле́ннаго и вся кра́сная преоби́дел еси́, / на горе́ Мале́стей вселе́ние соверши́в, / от нея́же в Небе́сная / возше́л еси́ к Царю́ царе́й, Фомо́, // моли́ непреста́нно о всех нас.
Величание
Ублажа́ем тя,/ преподо́бне о́тче Фомо́,/ и чтим святу́ю па́мять твою́,/ наста́вниче мона́хов // и собесе́дниче А́нгелов.
Назад к списку
